ДОТТАГ1 !!!
Цхьа доттаг1 вара сан, бен-башха воцуш,
Комарийн га сатто бен хьуьнар доцуш.
Б1обулуш вацара со и вара аьлла,
Дуьхьал д1а вара и суна т1аьхьваьлла.
***
Тхойшинна дов дели докъа т1е ца х1оттал,
Вовшашка салам луш хьал-де ца хаттал.
Суна и ганза а дикка хан ели,
Т1ом баьлла,Нохчийчохь сийна ц1е ели.
***
Меттара сайн нана къинтера йоккхуш,
Бу боху накъостий юьртара г1овттош,
Инзаре дарделла лийтира тхо,
Герз доцуш летарна ийшира тхо.
***
Лецира мостаг1чо тхан ондда го.
Дийначех кхоъ виссалц ийгира тхо.
Тхайн сих дог диллина леш дара тхо,
Ц1еххьана,герз детташ, кхечира г1о.
***
Цхьаъ вара дарвелла, цхьа эрчо еш,
Цхьанне а х1уманна ойла ца еш:
- Х1ун эла вара хьо сан махка ван?
Сан махкахь хьан харцо ас иштта лан? -
***
Б1аьрг т1е ца кхуьуьйтуш летара и,
Тхо массо севцира ларавеш и.
Мохь тухуш:"Я Аллахl! - элира цо,
- Х1ара мостаг1 эшаван ницкъ суна ло!"
***
Цу т1амехь ког боккхуш, лазийра со.
Цхьаъ вара со текхош, хьул а веш со.
Сайн керта кхачийра деш суна г1о,
БЕН-БАШХА ВОЦУЧУ САН ДОТТАГ1ЧО.
***
Цхьа доттаг1 вара сан бен-башха воцуш,
Амма и хиллера са кхоор доцуш.
М1ара лур яцар-кха мел г1ийлачух,
- Ма сий дан деза-кха яхь йолучух.
***
Ков-керт ма ч1аг1алахь тахана, нана,
Бен-берса кхача беш хьовзалахь, нана.
Тахана доттаг1чо вог1ур ву аьлла,
Ву хьуна со ч1ог1а самукъадаьлла.